Electric PUJ mahimo sa SRP

CEBU, Philippines - Pabor ang regional director sa Land Transportation Franchising and Regulatory Board (LTRFRB-7) nga tugotan ang mga electric jeepneys nga makabiyahe sa South Road Properties (SRP).

Matud ni Cuizon nga gawas sa gisugyot nga rota sa mga bus nga padaganon diha sa SRP dili imposible nga may motinguha usab nga adunay electric PUJ’s nga mobiyahe sa SRP.

Ang mga electric jeepneys takus kaayo nga modagan sa rota unya diha sa SRP kay dili kini bakilid ug gaan ra padaganon.

Si Cuizon miingon nga ang LTFRB bukas kaayo nga modawat og aplikasyon sa mga electric jeepneys sigon sa sugyot ni Konsehal Gerardo Carillo.

Ang nakanindot sa electric PUJ’s kay dili mobuga og itum nga aso nga makadaot sa makahanggap. Sa dakbayan sa Mandaue aduna na’y kompaniya nga namaligya’g electric jeepney.  - /RUB (BANAT NEWS)