CEBU, Philippines – Hangtod karon daghan pa gihapon nga mga vendor sa merkado sa Tabunok, Talisay nga nag-ukon-ukon pagbalhin sa merkado didto sa Barangay Lagtang.
Ang mao nga mga vendors nahadlok nga dili na sila pabalikon sa Tabunok mao nga wala pa gayud makumbinsir nga mobalhin.
Si Talisay City Administrator John Yre De los Reyes miingon nga ilang pasabton ang mga vendor sa merkado publiko sa Tabunok nga dili permanente ang pagbalhin nila sa Barangay Lagtang.
Gipasabot sa city administrator nga human unya sa pagtukod sa bag-ong merkado sa Tabunok pabalikon na ang mga gang.
Matud ni De los Reyes nga nagplano sila karon nga mopalit og oras sa gan aron pinaagi sa kahanginan mapasabot nila ang publiko ilabi na ang mga vendor sa katuyoan sa siyudad sa pagpabalhin sa mga gang ngadto sa merkado sa Lagtang.
Iyang gipasabot nga dili mahimo ang gihangyo sa mga vendor nga anam-anamon ang pagtukod sa bag-ong merkado sa Tabunok tungod kay tibuok o usa ang plano sa pagpatukod sa building ug gikatakdang humanon lang sulod sa walo ngadto sa 10 ka buwan.
Ang city administrator nagkanayon nga human sa proyekto makabalik dayon ang mga vendor ug mga traysikol diha sa merkado sa Tabunok.
Ang ubang mga vendor mihangyo unta nga anha lang sila temporaryong mobalhin sa pribadong bakanteng lote diha sa Tabunok gang syudad mao unta ang moabang sa lote.
Matud ni De los Reyes nga gipamati nila ang maong hangyo sa mga vendor ug ilaha usab kining gitun-an.
Gipasabot ni De los Reyes nga human sa pagtukod sa bag-ong merkado sa Tabunok mahapsay na unya ang dagan sa trapiko apil ang drainage system ug nindot na ang ilang pagkabutang. - /RUB (BANAT NEWS)