Illegal loggers gidakop
CEBU, Philippines - Illegal loggers naaktohang namutol og kahoy nga wala’y permit hasta ang ilang gigamit nga chainsaw maong giembargo sa kapolisan sa barangay Bolocboloc, Barili.
Ang nadakpan mao sila si Ely Cariaga, 41, taga Balaygtiki ug si Obet Cariaga taga Pakulob, Dumanjug.
Sumala pa nga nakadawat og taho ang kapolisan nga dunay illegal logging operations nga nahitabo sa maong barangay maong girespon-dehan kini sa mga polis.
Sa pagsukitsukit sa mga suspek wala sila’y napakitang permit gikan sa Department of Environment and Natural Resources sa ilang pagpamutol hinungdan nga sila gisikop ug gikompiskar ang ilang chain saw sa estayon sa kapolisan.
Samtang nasikop ang usa ka Michael Gonzales, nga gipasanginlang kawatan og manok dihang naaktohan sa tag-iya nga nagbitbit og usa ka hiniktan diha sa dalan T. Kaban, barangay Pasil ning dakbayan sa Sugbo.
Ang nakasikop kaniya naila nga si Ceasar Yu, molupyo sa barangay Ermita kinsa daling nangita sa iyang manok human kalit nahanaw sa gibutangan. Ang maong manok nagkantidad og P3 mil. Ang suspek gidala sa biktima sa presinto aron pasakaan og kaso karong adlawa.(/EIM)(BANAT NEWS)
- Latest
