Women’s Month sa Talisay
CEBU, Philippines - Ang Kapitolyo gipangayoan og tunga sa milyon ka pesos sa konseho sa dakbayan sa Talisay aron gastohon sa pagsaulog sa Women’s Month karong sunod buwan.
Si Konsehal Valeriano Ylanan miduso og duha ka resolusyon didto sa City Council alang sa maong katuyoan.
Ang usa ka resolusyon nangayo og P300 mil nga financial assistance ngadto ni Gobernador Hilario Davide III ug laing resolusyon nangayo ‘sab og P200 mil gikan ni Board Member Raul “Yayoy†Alcoseba.
Si Ylanan nagkanayon nga angayang ipatuman ang Republic Act 9710 kon “An act providing for the Magna Carta for women.â€
Matud ni Ylanan nga angay g’yud nga suportahan ang kababayen-an aron mahatagan og kahigayonan ug mapalambo usab ang ilang “skills†ug makatabang sila sa ilang pamilya ug komunidad.
Si Ylanan midugang nga angayang hangpon ug palamboon ang mga nahimong tabang sa kababayen-an sa pagpauswag sa siyudad.
Ang kagamhanan sa Talisay pinaagi sa opisina sa mayor adunay giandam nga mga programa alang sa pagsaulog sa Women’s Month.
Ang Proclamation 224 nga giisyu kaniadtong 1988 nagdeklarar nga matag unang semana sa Marso saulogon ang Women’s Week ug ang Marso 8 isip “Women’s Rights and International Peace Dayâ€. Apan ang Malacañang miisyu og Proclamation 227 kaniadto gihapong 1988 nga ang tibuok buwan sa Marso saulogon na nga Women’s Role in History Month.
Ang Republic Act 6949 nga naaprobahan kani-adtong 1990 nagdeklarar sa Marso 8 matag tuig nga mao ang National Women’s Day. (/RUB)(BANAT NEWS)
- Latest
