CEBU, Philippines - Giawhag ni Senador Paolo Benigno “Bam†Aguirre Aquino IV, ang mga batan-ong magbabalaod nga magmugna og mga programang makatabang sa kakulangon sa trabaho.
Matud niya niining panahona nga ang gobiyerno naningkamot nga momugna og dugang mga trabaho ug makatabang sa pagpalambo sa nasud.
"We have a country that is growing beyond expectations, but we also have millions who are jobless, poor, hungry, and left out of development. What's wrong with the picture? More importantly, as young legislators, what is our shared role in changing this picture?"
Gihagit usab niya ang mga batan-ong magbabalaod kung unsay ilang matampo aron matubag ang maong problema. Sumala pa niya nga panahon na karon nga molihok ang tanan aron walay mabiyaan sa paglambo sa Pilipinas, karon nga nakatutok ang mga investors gikan sa ubang kanasuran dinhi.
Si Aquino kinsa maoy nangamahan sa Go Negosyo Act nga napasar na sa ikaduhang pagbasa sa milabay’ng semana, miingon nga prayoridad sa maong balaudnon nga pakusgan pa ang micro and small enterprises o kadtong ginagmay nga negosyo, mopaspas ang pakig-negosyo, paghimo og dugang trabaho ug panginabuhian aron makabenepisyo ang tanan sa kalamboan. (BANAT NEWS)