Illegal fishers wala masumpo sa Caubian
CEBU, Philippines - Ang mga sakop sa PNP Maritime Police ug Bureau of Fisheries and Aquatic Resources (BFAR) wala gayud makasumpo sa "dynamite fishing" didto sa kadagatan sa Barangay Caubian, Isla sa Olango, dakbayan sa Lapu-Lapu.
Matud ni Lapu-Lapu City City Enviromment and Natural Resourses Officer (CENRO) Rodrigo Tagaan ug Task Force Kalikasan coordinator Andy Berame nga hangtod karon nagpadayon ang pagpangisda ginamit ang dinamita sa Caubian.
Si Tagaan miingon nga sila ra nga mga enforcers ang bantayan sa mga nalambigit sa mga illegal nga pagpangisda.
Matud niya nga kun adunay illegal nga mangingisda nga gukdon dili makaapas ang mga sakop sa Maritime police kay mas kusog og makina ang sakyanan sa mga illegal nga mangingisda.
Samtang si Berame miingon nga dunay mitug-an kaniya nga taga Caubian nga sobra sa 50 kapin ka buto ang ilang mabati gikan sa lawod matag adlaw. (BANAT NEWS)
- Latest
