Gilugos ug gipatay

CEBU, Philippines - Nagkadugta nga lawas sa usa ka dalaga nga giingong may problema sa pangisip napalgang wala na’y sapot ug gituohang gilugos sa wala pa patya didto sa kasagbutan nga bahin sa Barangay Natimao-an, Carmen. Si Natimao-an Barangay Captain Anecito Gingco maoy mipahibalo sa kapolisan nga napalgan nila ang lawas ni Margie Pungaotan, 23, kaniadtong buntag sa miaging Miyerkules.

Ang mga miresponde nga kapolisan nga gipangulohan ni SPO3 Renerio Masocol Jr. nagduda g’yud nga giamong-amongan ang biktima sa wala pa kini patya ug gibiyaan sa maong dapit.

Ang mga ginikanan sa dalaga positibo nga miila sa patay’ng lawas nga mao kini ang ilang anak nga nahanaw sukad pa niadtong Enero 29. Dili na interesado ang mga ginikanan sa biktima nga hilngon pa ang lawas sa ilang anak.  (BANAT NEWS)