CEBU, Philippines - Ang mga opisyal sa upat ka lungsod sa isla sa Camotes nahinangop kaayo nga gihatagan sila og tabang-salapi sa kagamhanan sa dakbayan sa Mandaue.
Matud ni Roger Paller nga maoy tigpamaba sa kagamhanan sa Mandaue nga ang tanang hinabang-salapi ngadto sa upat ka lungsod – Pilar, Tudela, San Francisco ug Poro – miabot og P1.3 milyones.
Si Konsehal Diosdado Suico nga maoy tsirman sa committee on finance sa Mandaue City Council miingon nga gihatud gayud nila ngadto sa upat ka lungsod ang salapi.
Sa Tudela, ang P300 mil gidawat ni Vice Mayor Greman “Jojo†Solante ug si Mayor Luciano Rama sa Poro mao usab ang midawat sa laing P300 mil para sa ilang lungsod.
Didto sa Pilar, ang P350 mil gidawat mismo ni municipal treasurer Mercy Fernandez ug ang P400,000 para sa lungsod sa San Francisco gidawat ni Mayor Aly Arquillano.
Matud ni Tudela Vice Mayor Solante nga nahinangop kaayo sila sa pagtabang sa Mandaue sa ilang dapit ug ang kantidad nga ilang nadawat gamiton nila sa pagpananom og daghang punoan sa Cacao nga magsilbing alternatibong kapanginabuhian sa mga molupyo sa ilang lungsod.
Gusto ni Solante nga moawhag siya og sisterhood relationship sa ilang lungsod ug sa Mandaue aron mosamot ang panagsuod sa duha ka local government units. (/RUB)(BANAT NEWS)