Nipalit og sigarilyo gipusil patay
CEBU, Philippines - Usa ka lalaki nga mipalit og sigarilyo sa sitio Pagatpat, Alaska barangay Mambaling sa dakbayan sa Sugbo ang gipusil patay alas 11:20 sa buntag kagahapon.
Ang biktima naila nga si Rusty Lopez, molupyo sa dalan Magsaysay sitio Lawis barangay Pasil sa dakbayan sa Sugbo.
Base sa imbestigasyon ni SPO1 Ruth Bongo-Violango, PO3 Geoffrey Gutual, PO1 Michael Angelo Singson ug PO1 Joel Zamora sa Homicide Section sa Cebu City Police Office, nga ang biktima nag-ubo na nga wala’y kinabuhi sa kanal sa naasoy’ng lugar.
Duna kini samad-pinusilan sa iyang ulo, wala nga aping nga milapos sa luyo sa iyang ulo nga mao’y hinungdan sa dali niyang kamatayon.
Sigun sa mga residente sa maong lugar nga ang biktima naglakaw sa maong dapit padulong sa tindahan kay mopalit og sigarilyo.
Apan pipila ka minuto ang milabay miabot ang duha ka wa mailhing mga lalaki ug gipusil ang biktima sa makadaghang higayon ang biktima ug pagkahuman miikyas ang duha ka suspetsado.
Nakuha sa kapolisan sa lugar gihitaboan ang usa ka kabhang sa kalibre .45 ug pitaka nga aduna’y sulod nga duha ka sim cards ug police clearance.
Si SPO1 Violango nagkanayon nga kalambigitan sa ginadiling drugas ang ilang gisubay ug ingon man personal nga kaaway sa namatay ang mga gikatahapan. Wala pay ideya ang kapolisan sa mga gikatahapan.
Samtang angol usab ang usa ka Tiago Cañete, 50, human kini gipusil sa usa ka lalaki nga nailhan lang sa pangalan nga “Romnick†diha sa Unit I sa Carbon Market, barangay Ermita sa dakbayan sa Sugbo sa alas-10 sa miaging gabii.
Daling gidala ang biktima sa Cebu City Medical Center ug padayon pa ang imbestigasyon sa kapolisan sa pag-ila ug pagsikop sa suspetsado nga si Romnick. (Marjorie Caballero USJR Intern/EIM)(BANAT NEWS)
- Latest
