CEBU, Philippines - Gitug-an sa City Engineering Office sa syudad sa Talisay nga ang nagtipun-og nga mga putos sa plastic maoy hinungdan sa pagkabara sa mga culvert nga nakabara sa agianan sa tubig maong nagbanaw ang baha sa merkado sa Tabunok, sa siyudad sa Talisay.
Sumala pa ni Talisay City Engr. Audie Bacasmas, ilang nadiskubrehan nga nagdasok diay ang mga putos nga plastic diha sa kanal mao nga wa nay kalutsan ang tubig sa baha panahon nga mouwan.
Una niini, gimando ni Talisay City Mayor Johnny Delos Reyes nga sulbaron ang maong problema sa labing daling panahon.
Tungod niini, si Bacasmas nitug-an nga ilang ablihan ang mga culverts nga agian sa mga tubig sa kanal gikan sa Tabunok Public Market ug kuhaon ang mga nabara nga mga plastic ug mga lapok. (/EIM)(BANAT NEWS)