CEBU, Philippines - Ang pagpasiugda og mga programa sa kagamhanan alang sa pagpanalipod sa kalikupan maoy gikinahanglan aron kalikayan ang dugang pa nga katalagman nga makadaut sa mga kabtangan ug kinabuhi sa katawhan.
Kini maoy gipadayag ni Cebu 6th District Board Member Thadeo Ouano sa Banat News kinsa miingon nga tinguha niyang kapanalipdan ang kalikupan busa gusto niyang maaprubahan ang Provincial Environment Code sa kagamhanan sa lalawigan.
Si Board Member Ouano kinsa maoy chairman sa committee on environment , planning and development sa hunta probinsyal miaghat sa mga magbabalaod sa lalawigan sa pagpalabang og resolution nga nagpahalipay sa iyang gihimo pinaagi sa Provincial Environment Code .
Kini tungod kay dako og gikatabang sa pag-kontrolar sa mga pangabuso sa kalikupan ang maong balaud.
Dugang nakalipay kang Board Member Ouano mao ang iyang conferment of Doctor of Philosophy in Transformational Leadership Honoris Causa sa Northwestern Christian University sa Floida U.S. A. niadtong Nobiyembre 5 sa miaging tuig.
Si Board Member Ouano nga nahimong kanhi mayor sa dakbayan sa Mandaue anaa na sa iyang ikaduhang termino isip sakop sa hunta probinsiyal human usab siya masublii pagkapili sa maong katungdanan sa Mayo 10, 2012 nga piniliay. (BANAT NEWS)