Bayad sa pre-marriage counseling himoong P100

CEBU, Philippines - Nagtinguha si Konsehal Emmarie “Lollipop”  Ouano-Dizon nga usbawan ang  bayranan  sa pre-marriage counceling seminar sa dakbayan sa Mandaue gikan sa P27.50 ngadto na sa P100.

Kini  alang  sa  managhigugmaay nga gusto na nga magminyo busa  iya  kining  gihimoan  og  usa ka ordinansa.

Si Konsehal Ouano-Dizon  mipasabot nga sa tanang  highly urbanized nga dakbayan sa lalawigan sa Sugbo ang  dakbayan sa Mandaue   mao ra  ang  nangolekta  og  labing ubos nga  bayranan  sa pre-marriage counseling seminar.

Gitataw niya  nga gusto  siyang malakip  kini sa revenue code sa kagamhanan sa maong dakbayan.

Kini  aron  nga mahimo na nga  legal  ang pagpangolekta sa kagamhanan sa maong matang sa balayranan. Hapit  na  maaprobahe  sa konseho  ang  maong  ordinansa.  (BANAT NEWS)