Milayat sa Mactan bridge wa mamatay

CEBU, Philippines - Gisuwerte pa ang  usa  ka  lalaki  nga  buot  untang  maghikog apan  sa  pagtugpa  niini  sa dagat  ilawom sa Marcelo Fernan Bridge, habig sa barangay Pusok , dakbayan  sa Lapu-Lapu, gitugnawan  sa dagat  ug milangoy   sa daplin alas 10:00 pasado sa miaging buntag.

Si PO2 Winston Ybanez miila   sa maghikog  unta nga  si Allan Bargamento, 37, ulitawo, nga taga barangay Bankal sa dakbayan sa Lapu-Lapu.

Matud pa ni PO2 Bargamento nga nakita sa pipila ka motorista  nga nagtungtong   na si Bargamento sa railing sa  taytayan ug milayat kini  sa dagat.

Sa pagtugpa ni Bargamento sa dagat  nakalitan  siya sa kabugnaw  ug  tungod  kay  wa man  siya  mamatay,  milangoy kini paingon sa daplin .

Ang mga sakop sa Maritime Police nga nakadawat sa maong taho dali usab nga miabot sa maong dapit sa paghimo      dayon  og pakisusi.

Si Bargamento   gikarga sa ambulansiya sa Emergency Rescue Unit Foundation (ERUF) paingon  ngadto sa Mactan Doctors Hospital.

Dugang pa ni PO2 Ybañez nga si Bargamento nga ilang gisukitsukit sa hinungdan  sa paghikog  unta  niya, igo lang sa paglingolingo ug nagdumili  sa pagtubag. (/WC)(BANAT NEWS)

 

Show comments