Road projects prayoridad sa Lapu-Lapu sa 2014

CEBU, Philippines - Prayoridad karong tuiga sa administrasyon ni Lapu-Lapu City Mayor Paz Radaza ang dise-siyete ka mga road projects sa siyudad.

Si Radaza mipadayag nga 17 ka mga dalan ang angayan nga ayuhon ug sementohon sud ning tuiga kini kasagaran anaa sa mainland Lapu-Lapu ug ang uban sa isla sa Olango.

Ang siyudad migahin og P1.6 bilyones nga annual budget ug diha kuhaon ang budget sa road repairs and drainage system.

Ang maong mga proyekto naa mahimutang sa Brgy. Mactan, Canjulao, Basak, Looc, ug uban pang mga kadalanan nga aspaltado ug gubaon nga kinahanglan nga i-repair ug konkretohon.

Samtang padayon usab ang circumferential road project nga proyekto ni Presidente Benigno Aquino III.  (BANAT NEWS)