Supplemental budget pirmado na

CEBU, Philippines - Gipirmahan na ni Presidente Benigno ‘Noynoy’ Aquino III ang P14.6 bilyones nga supplemental budget nga gamiton alang sa padayon nga rehabilitation program sa mga lugar nga nasugamak sa sunod-sunod nga kalamidad sa miaging tuig.

Sumala  sa Philippine Information Agency (PIA) nga gitug-an ni Presidential Communications Operations Office (PCOO) Sec. Herminio Coloma Jr. nga  niadto lang Disyembre 26, 2013 pirmahe  sa pamuno  nasud  ang pagpagawas sa  maong  pundo.

 Kahinumdoman nga gigahin na ang maong pundo gikan sa wala nagamit nga Priority Development Assistance Fund (PDAF) sa mga magbabalaod niadtong 2013.

 Ang maong pundo maoy igasto  sa mga proyekto  nga  gikinahanglang ayuhon nga  mga  proyekto  sa gobiyerno  nga nagusbat   sa  mga  dapit  nga  nasabak  sa magnitude 7.2 nga  linog  ug  sa super typhoon  nga  Yolanda.

Kining  mga  lugara  mao  ang sa Bohol, Leyte, Samar, Cebu ug Iloilo.

 Ubos sa naratipikahang P2.264 trilyones nga 2014 national budget, nahisulod usab didto ang P100 bilyon nga rehabilitation ug reconstruction fund alang sa mga lugar nga naagian sa bagyo, linog ug sa nahitabong krisis sa syudad sa Zamboanga. (BANAT NEWS)