Duque mi-warning batok sa mogamit sa iyang ngalan

CEBU, Philippines -  Si Civil Service Commission (CSC) Chairman Francisco T. Duque III mipasidaan batok sa bisan unsang pundo nga igahin gamit ang iyang ngalan isip taas  nga  opisyal  sa  CSC nga  himoon  pinaagi sa mga opisyales ug staff sa maong ahensya.

Gipagawas ni Duque kining maong pahimangno human  ang  resource management officers ug mga  hepe  sa mga  ahensya  sa kagamhanan  mitawag sa iyang atensyon kalabot sa giingong Shiela Marie Rodriguez nga  may mobile number nga 0917-908-3673 ug usab Raul Atadero nga may number  503-7678 kinsa mipaila sa ilang mga kaugalingon nga mga chief-of-staff ni Duque.

Gipasabot ni Duque nga kining mga tawhana wala gayu’y koneksyon sa ilang opisina o sa CSC.

“I am making a call to the public, especially those who have transactions with the CSC regarding their eligibilities, appointments processing, and administrative cases not to be deceived nor entertain any attempt by these unscrupulous individuals to rip them off,”  matud pa ni Duque.

Giawhag ni Duque ang publiko nga motaho sa bisan unsang solisitasyon o request alang sa pagahimoong pabor  gamit ang iyang ngalan pinaagi sa  Public Assistance and Complaints Desk sa CSC .

Mahimo  kini  matud  pa  niya pinaagi sa numerong (02) 932-0111 o mopadala og mensahe pinaagi sa 0917-TEXTCSC (8398272) o ba kaha motawag sa numerong 1-6565 o 0908-88-1-6565 o mo log sa www.contactcenterngbayan.gov.ph.

“Considering the tremendous extent of damage to life and property, the special leave may not be enough but it would surely help ease the pain our countrymen are experiencing,” dugang  pa ni Duque. (BANAT NEWS)