P5 mil alang sa solo parents gilalisan pa
CEBU, Philippines - Wala dayon aprobahi sa Cebu City Council ang tinguha ni Konsehal Gerardo Carillo nga pahatagan og tag P5,000 nga cash assistance kadtong gitawag og mga “Solo Parents†nga ania magpuyo sa dakbayan sa Sugbo.
Matud ni Carillo nga pagkakaron, adunay kapin lang sa usa ka libo ka solo parents ang nagparehistro sa Department of Social Welfare and Development (DSWD).
Apan si Konsehal Eugenio Gabuya Jr. nagtoo nga kun mapublikar na nga mohatag og cash assistance sa mga solo parents, maglumba ang mga moaplay niini sa DSWS.
Gilalisan pa karon kun unsa ang gitawag og “solo parent†kun apil ba kadtong mga tawo nga adunay mga anak apan wala lang gyud magpakasal.
Sa ordinansahon ni Carillo nga diha na unta sa final deliberation naglatid nga ang solo parent mao kadtong mga babaye nga adunay anak apan gibiyaan sa ilang mga kapuyo o bana ug nag-inusara lang nga nagbuhi kanila.
“Tingali pagkakaron gamay pa apan kun mapublikar na nga manghatag ang dakbayan og cash assistance tingali basin modaghan pa kini sa gidaghanon sa mga senior citizens,†matud ni Gabuya.
Si Carillo subli nga mopresentar sa iyang ordinansahon atol sa sesyon karong Miyerkules. (/EIM)(BANAT NEWS)
- Latest
