CEBU, Philippines - Dili na kinahanglang manaug sa puwesto ang 422 ka piniling opisyal kun makorihian nila dayon ang ilang Statement of Contributions and Expenditures (SOCE).
Sumala sa Philippine Information Agency (PIA) nga gitataw sa tigpamaba sa Commission on Elections (COMELEC) nga si James Jimenez human nila imandar ngadto sa mga napiling opisyal nga pabiyaon sa ilang posisyon kun dili sila makaduso dayon og correction sa ilang mga SOCE.
Gitambagan ni Jimenez ang mga napiling opisyal nga sundon lang ang gikinahanglan sa porma sa ilang SOCE, pirma, bayranan o kaha multahanan sa dili pa ihandos sa ilang buhatan.
Gipasabot usab ni Jimenez nga gitagsa-tagsa na og subay sa Comelec ang matag dokumentong nadawat sa ilang buhatan.
Miingon ang PIA nga nadiskobrehan sa Comelec nga may mga napiling opisyal nga wala pa miduso sa ilang SOCE, ang uban depektuso ang SOCE o wala molagda nga personal sa ilang SOCE. (BANAT NEWS)