CEBU, Philippines - Mimando ang Department of Justice (DOJ) nga nagdili sa pagtakda og expiry date sa gift certificate.
Sumala sa Philippine Information Agency (PIA) nga ang maong mando gihatagan og gibug-aton sa Order No. 10 sa DOJ.
Usa sa mga rason niini mao nga ang gift certificate susama sa cash nga walay expiration date.
Tungod niini gidili na sa mga kompaniya ang pagtakda og expiry date sa mga gift certificate nga ilang iluwat ngadto sa ilang mga kustomer.
Sumala sa PIA nga sayo niini gipagawas na sa Department of Trade and Industry (DTI) ang kamandoan nga nagdili sa mga supplier sa gift checks ug cards nga magtakda og expiry date. (BANAT NEWS)