CEBU, Philippines - Nasulod sa top 10 ang usa ka Sugbuanon ug usa ka Bol-anon sa resulta sa gipahigayon nga eksamin sa Civil Service niadtong Oktubre 13.
Ang Chief Examiner sa Civil Service Commission Regional Office 7 nga si Dixie Gonzales nga nahinabi sa Banat News miingon nga nakuha ni Joan Victoria Ondong ang ika-walo nga dapit nga may average nga 87.24 ug si Januelle Rontos sa ika-siyam nga dapit sa score nga 87.24.
Gipasidunggan si Rontos kagahapon sa usa ka yano nga seremonyas didto sa Multi-Purpose Hall sa CSC sa Sudlon Lahug .
Samtang sa Central Visayas top 10 naglangkob kanila ni 1) Francis Paul Butal 89.05, 2) Kyle Maamo 88.11, 3) Raissa Mae Palces 87.96, 4) Louie Diaz 87.63, 5) Neil Christian General ug si Mary Loise Dumayac 87.58, 6)Filner Deles 87.57, 7)Salve Marie Concepcion Vega 87.35, 8) Joan Victoria Ondong 87.29 9) Januelle Rontos 87.24 ug 10)Kimberly Nicolai Villalon 87.17. (BANAT NEWS)