Oplan iwas paputok ilusad sa DOH-7

CEBU, Philippines - Gihingusgan karon sa Department of Health sa Central Visayas kon DOH-7 ang pagpahigayon sa Oplan Iwas Paputok aron kaminusan ang gidaghanon sa maangol o makalas tungod sa pabuto niining nagkaduol nga kasaulogan sa Pasko ug pagsugat sa Bag-ong Tuig.

Sigon pa ni DOH-7 regional director Dr. Jimmy Bernas nga tumong sa pagpalapad sa ilang kampanya sa Oplan Iwas Paputok mao nga mahimong malinawon ug malikayan ang duguong pagsaulog sa kapaskohan.

Kini pinaagi sa pagtudlo sa mga tawo ilabina sa mga kabataan ug mga hubog nga dili na lamang mogamit og pabuto aron malikayan ang pagkadisgrasya niini.

Sumala pa niini nga kauban karon sa ilang kampanya mao ang mga Local Government Units sa tibuok lalawigan sa Sugbo.

Kabahin na sa ilang kampanya ang pagsusi sa kapolisan ug kabomberohan sa mga tigbaligya sa mga pabuto sa daplin sa dalan ug ingon man ang mga tigamaan og pabuto na mismo aron pagsiguro dili pilegro sa mga konsumedor ang gihimo niining mga produkto.

Subli niya gipahibawo nga gitinguha karon sa ilang buhatan nga kaminusan kun dili man mapugngan ang pagsaka sa gidaghanon sa mga biktima sa pabuto atol sa kasaulogan sa Pasko ug pagsugat sa Bag-ong Tuig.( /EIM)(BANAT NEWS)