Nurse gikinahanglan sa WHO

CEBU, Philippines - Ang World Health Organization (WHO) nagkinahanglan og 20 ka boluntaryong nurse  aron mamakuna sa mga  apektado sa bagyong Yolanda didto  sa syudad sa Tacloban.

Matud pa sa Philippine Information Agency (PIA) Tacloban, nga si Assistant Regional Director Paula Paz Sydiongco sa Department of Health (DOH) miawhag nga kadtong may kaikag paserbisyohon  sa WHO og 10 ka adlaw.

Suholan  sila  og tag P1,500.00 nga magsugod karon  ang orientation.

Mga interesadong aplikante mahimong makisayod kang WHO coordinator Maricel Castro pinaagi sa numero nga 0947-889-9177. (Liezl Mabini Frasno/WC)

Papaulion na ngadto sa Leyte ang mga bakwit

Pagbuot  sa City Social Welfare and Development o CSWD sa dakbayan sa Lapu-Lapu ang pagpapauli sa mga  bakwit gikan sa Leyte nga anaa nagpuyo sa ilang mga paryente sa dakbayan sa Lapu-Lapu  aron makadawat sa mga benepisyo gikan sa goberno.

Atol sa unang session sa Lapu-Lapu Association of Barangay Council o ABC, si Lapu-Lapu CSWD Head Ermelita Degamo mihangyo  sa mga Barangay Kapitan sa pagpapauli sa mga bakwit  nga anaa sa ilang dapit ngadto sa ilang lugar sa Leyte.

Kini tungod  kay nanghatag  ang  mga  lokal  nga  kagamhanan  didto  og  mga  materyales  sa  balay  ug  mga  pagkaon.

Kun ania  sila  sa Sugbo dili  sila  makadawat  sa maong  hinabang, matud pa  ni Degamo. (BANAT NEWS)