CEBU, Philippines - Gihimo sa dakbayan sa Mandaue ang story telling isip usa ka pamaagi sa stress debriefing sa kabataan.
Matud ni Angelina Cagatulia, city librarian, nga ilang gitapok sa city library ang mga pupils sa day care centers sa Barangays Tipolo, Bakilid ug Maguikay sugod sa miaging Martes hangtod karon aron makapaminaw sila sa mga binata nga sugilanon.
Ang mga volunteer-teachers mipaambit sa mga sugilanon sama sa, “Mimi, the Selfish Kitten†ug “The Three Questionsâ€.
Ang mga pupils gihatod sa mga sakyanan sa mga barangay ug gihatagan og snack sa taga city library.
“Among nakita nga epektibo kini isip stress debriefing sa kabataan taliwala sa mga kalamidad nga nahitabo sa nasud,†miingon si Cagatulia.
Midugang si Cagatulia nga mangita sila og dugang volunteer-teachers aron mapaambit usab ang susamang kalihukan sa mga kabataan sa nagkalain-laing transient/evacuation centers sa Sugbo. Ang maong tulo ka adlaw nga kalihukan kabahin usab sa 79th nga kasumaran sa “National Book Week†nga nagdala sa tema: “Libraries: Preservers and Promoters of Culture and Artsâ€. (BANAT NEWS)