Mga gamit sa Israelis i-donar nila sa Kapitolyo

CEBU, Philippines - Ibilin sa Cebu provincial government ang halos tanang ekipo nga dala sa  Israel Defense Force, kinsa gipadala sa Israel government aron sa pagtabang sa mga biktima sa bagyo.

Matud pa ni Adam Levene, deputy chief of mission of Israel Embassy-Philippines nga halos tanan nga ilang ekipo nga gigamit sa ilang fully-equip tent hospital, apil na ang mga tents ibilin ra kini nila ini’g human sa ilang mission.

Ang IDF, nga gilangkuban og 150 ka mga military doctors, physicians ug nurses, nagdala og 100 tons nga mga ekipo sama sa mga xray machines, laboratory machines ug uban pang mga hi-tech nga ekipo.

Ang IDF naa sila nag-base sa Bogo City, diin liboan na ka mga biktima sa bagyo sa may Amihanang Sugbo ang ilahang nang natambalan ug ang uban gipang-operahan.

Si Israeli Ambassador Menashe Bar On gi-turnover ngadto sa Cebu provincial government pinaagi ni Gobernador Hilario Davide III ang mga medisina nga nagkantidad og $500,000 o P20 milyones alang sa tanang district hospitals sa Cebu.

Palapdan na usab sa IDF ang ilang operasyon sa ubang dapit sa Amihanang Sugbo aron sa pagtabang sa mga Pinoy kutob sa ilang makaya. Gitawag sa IDF ang ilang operasyon og "Operation Islands of Hope. (/EIM)(BANAT NEWS)