CEBU, Philippines - Positibo nga shabu gyud ang sulod sa upat ka bulto nga nakumpiskar gikan kang PO3 Ruben Perater sumala pa sa hepe sa City Intelligence Branch sa Cebu City Police Office nga si Chief Insp. Romeo Santander.
“Positibo ang resulta sa eksaminasyon sa crime lab nga shabu gyud ang sulod sa upat ka bulto,†sumala pa ni Santander. Si Santander nga nahinabi sa mga tigbalita miingon nga sumala sa advise sa Regional Crime Laboratory 7 nga ang sulod sa upat ka bulto mokabat og 18.15 gramos. Matud pa ni Santander nga bisan pa nga positibo ang inisyal nga resulta sa eksaminasyon sa crime lab maghulat pa sila og napulo ka adlaw aron makompirmar ang resulta.
“Well sa drug test as per advise sa crime lab ang result initially is positive, but as part of the standard operating procedure naa pay ten days confirmatory (period),†sumala pa ni Santander. Giklaro sab ni Santander sa mga tigbalita nga bisan wala pa ang resulta sa ballistics examination apan gihan-ay na sa CIB ang mga kaso nga kriminal ug administratiba batok ni Perater.
Matud pa ni Santander nga posibleng ang armas ni Perater gigamit sab sa mga pagpamusil niining tuiga.
“It could be nga kadto maoy gigamit nga mga pusil basin naay mag-match sa shooting incidents before,†sumala pa ni Santander.
“Naa mi nadawat nga mga report nga naglambigit sa iyaha, mao ‘toy mga derogatory reports. Kana lang man by means of that we need to validate everything,†asoy ni Santander.Miingon si Santander nga swerte si Perater kay wala’y mibutho nga mga reklamante sa maong mga insidente. (BANAT NEWS)