Ang The Freeman, JRG Halad foundations naa karon sa Medellin alang sa relief operations

CEBU, Philippines - Kauban  ni  Gullas  ang  iyang  kapikas  sa kinabuhi  nga  si  Nena   ug  ang  mga  kawani  sa  The Freeman Foundation, JRG Halad Foundation ug  sa  University of the Visayas.

Gawas  sa  mga  relief goods,  si   Gullas  magdala  usab  og   generator sets aron makahigayon pag-charge  sa mga  cellphones ang mga biktima ug  makapangontak  sa ilang mga  minahal  sa kinabuhi.

Si Gullas nanawagan  sa  tanang  estudyante ug  alumni  sa   University of the Visayas, mga suki  nga  tigbasa  sa  The FREEMAN ug  Banat News, ingon  man  sa  mga  malumo  og  kasingkasing  sa pagpadayon  sa paghatag  og  hinabang  ngadto  sa  mga  nabiktima sa super typhoon  nga  Yolanda.

“I appeal to everyone to give whatever they can, whether cash or in kind, for our brother and sister Cebuanos who lost their homes and loved ones to the super typhoon, matud  pa  ni  Gullas.

Kasagarang  gikinahanglan  sa  mga  biktima  mao  ang  tubig  nga  imnonon, linatang  pagkaon, noodles, bugas ug  mga  senina.

Ang  mga  donasyon  mahimong  ihatud  ngadto    sa buhatan  sa The FREEMAN  sa dalan  V. Gullas, eskina  sa dalan D. Jakosalem , Cebu City,  sa  University of the Visayas Main Campus, sa  JRG Halad Museum, ug  sa  Gullas Medical Center   sa  Banilad. (BANAT NEWS)