Suspensyon sa biyahe sa barko gilibkas na

CEBU, Philippines - Gipalarga na sa Philippine Coast Guard-Cebu District ang mga barko, banca ug  roll-on/roll-off nga barko nga gikan sa Cebu human gilibkas na sa Philippine Atmospheric Geophysical, Astronomical Services Administration o PAGASA ang storm signal number one sa Southern Cebu.

"Lifted na ang suspension kasi wala nang storm signal based on the 3:30pm weather bulletin of PAGASA," matud  pa ni Janus Sabas, ang deputy commander sa PCG-Cebu District. Wala tugoti sa PCG-Cebu district  makalarga ang 37 ka barko, upat ka motor banca ug 43 ka mga roro nga barko, sugod sa Lunes, alas-11 sa buntag hangtud sa alas 3:30 sa hapon kagahapon, human nisulod na sa Pilipinas ang bagyong Zoraida.

Matud pa ni Sabas adunay 1,806  ka mga pasahero nga mopadulong unta sa Bohol, Dumaguete City ug Northern Mindanao ang na-stranded sa suspensyon. (BANAT NEWS)