Garbage trucks sa siyudad nagkuwang

CEBU, Philippines -  paghakot sa mga basura ni Yolanda

Bisan og daghan na kaayo’g mga garbage trucks ang dakbayan sa Sugbo apan wala gihapon dayon mahipos ang mga basura nga natigum dihang miigo ang bagyong Yolanda kaniadtong Biyernes.

Hangtud kagahapon sa hapon pabiling nagtipun-og ang mga basura nga naglakip sa mga putol nga sanga sa kahoy daplin sa dalan Sikatuna ingon man sa ubay-ubay pa nga mga dapit.

Ang dakbayan sa Sugbo aduna na’y labing minus 50 ka garbage trucks walay labot sa mga trak sa basura nga iya sa lainlaing barangay sa dakbayan. Nabantayan usab nga nagtipun-og pagbalik ang mga sagbot nga gihakot sa mga garbage truck didto sa Inayawan Sanitary Landfill nga gihimo nila nga dapit aron adto hagpaton ang mga sagbot.

Si Engr. Dionesio Gualiza nga maoy hepe sa Department of Public Services (DPS) sa dakbayan sa Sugbo miingon nga tungod kay wala na man ma-segregate ang mga basura tungod sa bagyo, adto usa nila kini dad-a sa Inayawan Landfill nga temporaryong gihimo nga transfer station.

Gipasabot sa mga opisyal sa DPS nga tungod sa kadaghang mga sagbot nga naglakip sa mga bali nga sanga sa kahoy ug ubang sagbot wala dayon maato’g hakot sa mga garbage truck ang mga basura.  (BANAT NEWS)