CEBU, Philippines - Nangandam na ang Visayan Electric Company sa pag-abot sa gituohang super typhoon nga si Yolanda.
Mipasalig ang VECO sa tanan nilang mga customers nga andam sila sa mga contingency measures sa pag- abot sa maong bagyo.
Ang maong mga contingency measures apil niini ang pag-deploy sa 35 feeder patrollers aron sa pag-monitor sa mga linya sa kuryente ug poste sulod sa ilang franchise area.
Adunay 254 ka linemen ang andam usab aron sa pag-ayo sa mga power lines nga mangaguba.
Nangandam na usab ang VECO og 23 ka trucks ug 34 ka emergency crew on stand-by ug ingon man emergency crew nga gikan sa Davao Light and Power Company aron sa pagtabang sa mga crew sa VECO.
Sa ilang advisory nga gipadala sa Banat News nga ang fiber optic cable sa VECO ug ang ilang back-up wireless network andam na usab aron sa pagsiguro nga dili mahunong ang komunikasyon sa mga substation ug electrical nga ekipo. (BANAT NEWS)