Pagpasar sa RA 10629 gihangop sa DENR
CEBU, Philippines - Gihangop sa Department of Environment and Natural Resources-7 ang pagpasar sa Republic Act 10629 ubos sa RA 7586 o ang the National Integrated Protected Areas System Act of 1992 .
Matud pa ni Regional Executive Director Isabelo Montejo sa DENR-7 nga ang pagpasar sa maong balaud, usa ka dakung kalamboan sa protected area management ug operation dili lang sa Central Visayas apan ingon man sa tibuok nasud.
Ubos sa RA 10629, the Protected Areas Management Boards (PAMBs), nga maoy pinakataas nga policy making body sa mga protected area (PA), gitugotan na nga ibilin ang 75 porsento gikan sa tibuok nga kita sa operasyon sa matag PAs.
Ang kinitaan gikan sa PAs naglakip sa buhis gikan sa mahalin nga kahoy ug uban pang mga rekurso o tanom; income gikan sa abang sa PAs nga gigamit isip multiple-used areas; contribution gikan sa mga industriya ug pasilidad nga nakabenepisyo sa PAs ug uban pang kita apil na ang donasyon, grants ug uban pang mga amot. (BANAT NEWS)
- Latest
