80 ang nasikop sa gun ban
CEBU, Philippines - Dul-an sa 80 ka mga tawo ang nasikop sa kapolisan sa tibook rehiyon sa Central Visayas nga nakalapas sa Comelec gun ban matud sa Regional Director sa Police Regional Office 7 Chief Supt. Danilo Constantino.
Si Constantino miingon nga sagad sa mga nasikop nagagikan sa Sugbo lakip na niini ang probinsiya.
Sa lalawigan sa Sugbo, 38 ka mga tawo ang nasikop samtang 16 sab ang nasikop sa dakbayan sa Sugbo.
Sa dakbayan sa Lapu-lapu upat ang nasikop ug walo sa dakbayan sa Mandaue samtang tulo ka mga tawo ang nasikop sa Bohol. Niabot og 59 ka mga armas ang nasikop sa kapolisan diin 18 niini pulos mga high- powered firearms.
Nagsugod ang gun ban niadtong Septiyembre 28 niining tuiga ug Commission on Elections.
Sa miaging national elections 274 ka mga tawo ang nasikop sa kapolisan sa rehiyon ug nakabawi sila og 251 ka mga armas. (/EIM) (BANAT NEWS)
- Latest
