Bangga sa team rama ug bopk Brgy. bets gitutukan
CEBU, Philippines - Karong adlawa sugdan na ang piniliay sa mga kandidato nga molansar sa barangay, apan ang mas labing giatangan sa katawhan kun kinsa ang modaug tali sa mga sakop sa Team Rama o Bando Osmeña Pundok Kauswagan (BOPK) sa barangay level.
Bisan usa ka non-partisan ang barangay elections ug wala say kandidatong muangkong sakop sila sa duha ka partido, dili malilong nga sa kolor pa lang sa mga gisuot sa ilang mga supporters ug sa mismong mga kandidato mahibaw-an na kun asa sila masakop.
Sumala pa ni Atty. Joey Duluz, ang campaign manager sa Team Rama aduna sila’y 41 ka incumbent barangay kapitan sa 80 ka mga barangays sa syudad sa Sugbo samtang ang BOPk dunay 39 ka kaalyadong kapitan.
Lakip sa naila nang mga kaalyado sa Team Rama mao sila si George Rama ig-agaw ni Cebu City Mayor Team Rama nga molansar sa Basak San Nicolas ug Phillip Zafra ang kanhi chief of staff sa mayor nga molansar usab sa barangay Tisa.
Kagahapon gisugdan ang pag-apud-apod sa mga election supplies ug 1,558 ballot boxes sa matag polling precints.
Matud ni Diwa Cuevas, ang pangulo sa buhatan sa City Treasurer nga ala-una sayo sa buntag gisugdan nila ang pagpanghatag sa official ballots una sa mountain barangays.
Ang eleksyon magsugod alas siyete karong buntang hangtud alas tres sa hapon. Matud ni North district Comelec Officer Atty. Marchel nga human sa eleksyon, ihapon dayon ang mga balota dayon ipasa kini sa barangay board of canvassers.
“I-consolidate usa nato sa di pa i-proclaim ang mananaog,†matud ni Sarno. Matud ni Sarno nga ang Comelec makahatag og resulta sa mananaog alas nuwebe o alas-10 karong gabii. (BANAT NEWS)
- Latest
