CEBU, Philippines - Ang kadagkoan sa Philippine Home Development Mutual Fund (Pag-IBIG) mohatag og Calamity Loan niadtong ilang mga miyembro nga nanginahanglan og kuwarta bisan og duna sila’y wala pa maimpas nga loans.
Mao kini ang gibutyag ni Pag-IBIG-Cebu Manager Rio Teves dihang mibisita siya sa City Hall kagahapon atul nga si Mayor Michael Rama nagpahigayon og press conference kabahin sa linog.
Gipasabot ni Teves nga kadtong maka-avail sa Calamity Loan mosumiter lang og ID nga magmatuod sa ilang pagkatawo apan ang ilang Calamity Loan nga makuha ibanan sa wala pa maimpas nila nga loan.
Matud ni Teves nga kinahanglan nga ang mo-apply sa Loan nakabayad og labing minus lima ka buwan nga “straight contribution†ngadto sa Pag-IBIG.
Ang Pag-IBIG mohatag og Calamity Loan human nga ang Konseho sa Dakbayan mideklarar na nga ang dakbayan ubos sa State of Calamity.
Sa laing bahin, ang National Housing Authority (NHA) mohatag ‘sab og tabang ngadto sa mga apektado sa linog sama niadtong naguba ang panimalay.
Ang kantidad ihatag sa NHA ngadto sa Department of Social Welfare and Services (DSWS) ug ang DSWS mao na ang mohatag og tabang pinaagi sa construction materials.
Matud ni NHA Manager Gino Figuracion nga tag P5,000 ang “maximum†nga kantidad nga ihatag sa mga beneficiary depende sa gidak-on sa kadaut nga ilang naangkon. (BANAT NEWS)