Atty. Alcazaren hulipan ni Mangaoang sa BOC-Cebu
CEBU, Philippines - Hulipan na sugod karong adlawa ang kasamtangan nga OIC District Collector sa Bureau of Customs Port of Cebu nga si Atty. Paul Alcazaren, ug ang mohulip kaniya mao si Atty. Lourdes Mangaoang.
Kini subay sa kamanduan nga gipagawas ni Customs Commissioner Rufino Biazon.
Matud pa nga niadtong adlaw nga Biyernes, gitawgan ni Biazon si Alcazaren alang sa dugang instruction. Una na nga gikwestyon ni Mangaoang ang pagkatudlo ni Alcazaren tungod kay mas ubos man kaniya og ranggo si Alcazaren.
Matud pa nga gisuwatan ni Mangaoang si Biazon nga bakikaw ang sitwasyon sa adwana sa Sugbu tungod kay sila nga mga senior officer nailawom na hinuon ni Alcazaren nga Collector 3 lang samtang siya Collector 5.
Nasayran nga si Mangaoang gidestino ngadto sa Department of Finance ug gipaubos sa floating status.
Apan human makakuha og Temporary Restraining Order sa korte nabalik siya sa Port of Cebu.(/EIM) (BANAT NEWS)
- Latest
