National children's month saulogon

CEBU, Philippines - Saulogon niining  buwan  sa Oktubre ang National Children's Month (NCM) nga  pangunahan  sa  Department of Social Welfare and Development (DSWD).

Si Grace Yana, tigpamaba sa DSWD 7 mibutyag  kagahapon  nga  ang  kasaulogan  karon  sa NCM  may tema  nga Kahirapan Wakasan, Karapatan ng  Bata  Ipaglaban.

Matud pa ni Yana  nga  dili unta angay  nga  bation  sa mga bata  ang  kakabus,  luyo sa kabus  nga  kahimtang  sa ilang  mga  ginikanan. Apan  gumikan sa nagkalainlaing  mga  hinungdan  nga  magtukmod  sa kakabus  sa ginikanan,  dili kalikayan  nga  maangin usab  niini  ang  ilang  mga  anak.

Miingon  si Yana  nga aron  maatiman  ang  katungod  sa mga kabataan, silang  taga  DSWD  mopahigayon  og  mga  programa  nga  makalingaw  sa mga kabataan  dinhi  sa rehiyon  7. Ipahigayon  ang  maong kasaulogan  unya sa Oktubre 31, 2013 sa buhatan  sa DSWD7 dinhi sa dakbayan  sa Sugbo,  diin  may  nagkalainlaing  kalingawan  nga  pasaw-an sa DSWD  sa  mga  kabataan.

Miingon  si Yana  nga  pipila  sa maong  mga  kalingawan  mao  ang workshop bahin  sa poster-making ug modeling  clay sculpture ug fabric painting nga  salmotan  sa mga  kabataan nga  may apan  sa panglawas .

Song writing contest  nga alang  sa mga  estudyanteng kabataan  nga  nag-edad  og 10-17 anyos nga sa pagkakaron  nagtungha  sa mga eskuylahan  sa publiko ug pribado  lakip  niadtong anaa  sa alternative learning center. Ipahigayon usab  matud  ni Yana ang  national children's congress uban sa pantawid pamilya sa DSWD

Forum bahin  sa katungod  sa kabataan  uban sa taga  media.

International celebration  sa girl-child uban sa Plan Philippines. Press  conference  sa paglusad  sa child protection policy. Round table discussion kalabot  sa proverty reduction starts with children.

Liturgical  celebration ug juvenile justice and welfare consciousness week celebration isip  maoy  panak-op  nga kalihukan  sa NCM. (/WC) (BANAT NEWS)