Bayawan City gilunopan
DUMAGUETE CITY, Philippines – Gilunopan kagahapon ang 13 ka mga barangay sa Bayawan City, Negros Oriental tungod sa 12 ka oras nga way puas nga pagbunok sa ulan ug duha sa ilang mga dagkong suba ang miawas.
Sumala pa sa report gikan sa Philippine National Police (PNP) si acting provincial police director Supt. Alet Virtucio mibutyag nga dunay tulo ka mga tawong gituohang nakalas sa pagbaha apan wala pa mailhi. Sumala pa sa Facebook account sa The Freeman, si Sta. Catalina Mayor Nathaniel Electona nagkanayon nga ang tanang barangay sa iyang lungsod gilunopan na; ang baha sa barangay Caranoche miabot sa dughan.
“In case you missed it: Torrential rains, flooding hit Bayawan City in southern Negros; Bayawan Mayor Sarana says flood is biggest, so far, reaching neck level; City also experiencing power outage | via Raffy Cabristante†nga gi-post sa The Freeman Facebook account.
Ang mga apektadong dapit sa Bayawan mao ang Villareal, Poblacion, Banga, Malabugas, Ubos, Suba, Tinago.
Si Alvin Santilla, hepe sa Cebu City Disaster Risk Reduction Management Council, nagkanayon nga nakig-coordinate na sila sa ilang mga kaubanan didto sa Negros sa nahitabo ug masaligon siyang nakapangandam ang siyudad sa maong katalagman apan andam silang moresponde kung gikinahanglan.
Nangabot na ang mga rescue teams gikan sa Dumaguete, PDRRMC ug Provincial Bureau of Fire Protection ngadto sa Bayawan City; nga gilangkoban sa 14-man rescue team dala ang tulo ka rubber boats; samtang laing team usab ang nag- monitor sa level sa Bayawan river.
Si Adrian Sedillo sa Provincial Disaster Risk Reduction and Management Council (PDRRMC) sa Negros Oriental nagkanayon nga si Governor Roel Degamo mipadala na og engineering team aron tabangan ang clearing operations sa national highway sa Alangilan, Sta. Catalina. Ang PAGASA miklaro nga ang pagbunok sa ulan bunga lang kini sa Intertropical Convergence Zone (ITCZ). (BANAT NEWS)
- Latest
