Duha ka tawo naghikog

CEBU, Philippines - Duha ka tawo ang naghikog sa managlahing lugar sa Sugbo usa kanila babaye nga nagpuyo sa sitio Somaria sa barangay Madredijos sa lungsod sa Alegria.

Ang namatay naila nga si Josephine Lobrino, 33. Subay sa nahipos nga report sa Banat News sa Cebu Provincial Police Office, ang amahan sa namatay nga si Daniel Lobreno Sr., 80, ug apo niini maoy nakadiskubre sa anak.

Matud pa nga nagbitay na sa pisi nga gihigot sa iyang liog si Josephine. Si SPO1 Joen Caballero ang imbestigador sa Alegria Police Station nga nahinabi sa Banat News miingon nga nagtuo ang amahan nga naghikog gyud kini kay ikatulo na kining higayon nga kini naghikog.

Matud ni Caballero nga natabang pa sa pamilya ang biktima sa una ug ikaduhang higayon kini nga naghikog.

Samtang patay usab si Alexander Lingawlingaw, nga usa ka mekaniko, lumolupyo sa sitio Alceca, barangay Calamba sa dakbayan sa Sugbo alas 2:45 sa miaging  hapon.    Basi sa spot report sa Homicide Section, ang amahan ni Alexander nga Eusebio miingon nga nananghid ang anak nga maligo apan nakadungog na lang siya og usa ka sipang buto gikan sa pansayan.

Sa iyang pagsusi nakita na lang niya nga nagkadugo na ang anak ug gidali niya og dala Cebu City Memorial Medical Center apan nakabsan kini sa kinabuhi tungod sa samad pinusilan sa walang tampihak.

Narekober sa crime scene ang usa ka .357 nga revolver nga may tulo ka bala sa .38 usa ka bala sa .357 ug usa ka kabhang sa kalibre .38 nga maoy gigamit sa biktima sa paghikog. (BANAT NEWS)