Talisay City Hall maghimo og IT Department

CEBU, Philippines - Kagamhanan sa dakbayan sa Talisay mogama og Information Technology (IT) department diin langkuban kini sa Management Information System (MIS) ug technical team.

Niadtong milabay’ng Martes atol sa gipahigayong sesyon sa konseho sa siyudad giaprobahan ang gipalabang nga resolusyon ni Konsehal Aldin Diaz.

Si Diaz maoy gihatagan og gahom sa mayor isip executive representative sa IT department ug siya usab ang chairman sa committee on communication and information technology.

Matud ni Diaz nga ang Talisay usa sa mauswagong siyudad sa habagatan ug nagkinahanglan na kini og IT department.

Ang IT department mao kini mag-atiman sa mga problema sa computer software, website maintenance ug morekomendar og mga solusyon kabahin sa information technology. (BANAT NEWS)