UV Accounting midaug sa Inter-Collegiate competition

CEBU, Philippines - Ang  University of the Visayas (UV) team  maoy milangkat  sa labing taas  nga  ganti sa liga  sa Central and Eastern Visayas Inter-Collegiate Finance Competition ug maoy mikuha sa ika-upat  nga  lugar  sa nasudnong  ranggo.

Ang  UV Team, gisakpan  nila  ni Mary Ann Minoza, Mary Grace Jumola ug Grace Oga-ob  kinsa  gitakda  usab  nga mosalmot sa nasudnong  bangga  sa  Octobre 21 didto  sa  buhatan sa  Bangko Sentral ng Pilipinas  sa Manila.

Mobangga  sila  batok  sa  UP Diliman (1st place), Ateneo de Manila (2nd place), University of Santo Tomas (3rd place) ug  lain  pang   16   ka  mga  tulunghaan  gikan  sa nagkalainlaing  dapit  sa nasud.

Si Minoza  gitakda  usab  nga  mosalmot  sa   Accounting Quiz Showdown  didto  sa  Palawan unya  sa  Oct. 22.

Si UV Executive Vice President Jose "Dodong" R. Gullas mihatag  og  ganti  nga salapi  sa  maong  mga estudyante. (/WC) (BANAT NEWS)