CEBU, Philippines - Nagpatong-patong nga kaso ang gipasaka kagahapon sa buntag batok sa suspetsadong kawatan nga gibansagang “Spiderman†nga napusilan ug nasikop sa mga polis niadtong Miyerkules sa gabii diha sa compound ni Bokal Juan Bacus Daan sa dakbayan sa Talisay.
Si Senior Inspector Al Jaca Pascual, deputy sa Talisay City Police Station nga nahinabi sa Banat News nagkanayon nga ang suspetsadong si Manuel Lauza, kasohan og attempted murder, kalapasan sa Akta Republika 9165 kon “Comprehensive Dangerous Drugs Act†ug kalapasan sa Akta Republika 8294 kon “Illegal Possession of Firearms.†Usa ka kalibre .357 revolver nga dunay tulo ka mga buhing bala sa kalibre .38, ug shabu ang nakuha kang Lauza.
Ang tagdumala sa mall giingong mopasaka usab og kaso tungod sa pagsulod ni Lauza diha sa kisame ug pagpangawat sa tinda duha ka buwan na ang milabay, laing kaso usab ang ipasaka sa pamilya ni Daan. Si Lauza gisitar sa nagpatrolyang sila si PO1 Benedy Solante diha sa Tabunok apan kalit nga namusil hinungdan nga gibawsan kini ni PO1 Ethrol Gamboa. Si Lauza naigo sa walang bukton ug bitiis ug nadakpan sud sa tangkal sa mga iro ni Daan, nagpaalim siya karon sa Vicente Sotto Memorial Medical Center. (BANAT NEWS)