Estudyante sa CTU ika-8 sa Electrical Licensure Exam

CEBU, Philippines - Si Engr. James Mancio-Baclay, gradwado sa Cebu Technological University (CTU)-Main Campus, maoy ika- 8th placer sa Registered Electrical Engineers Licensure Examination nga gianusiyo sa Professional Regulation Commission (PRC).

Ang 21-anyos nga enhinyero gikan sa Talisay City adunay score nga 88.55 percent. Natawo siya niadtong Hunyo 4, 1992, ug mao ang kinamaguwangang anak ni Jeffrey ug Beautisma Baclay.

Nigradwar siya isip  Cum Laude sa CTU-Main Campus ug nahuman niya iyang high school sa Division Amore Academy ug elementarya sa Jaclupan Elementary School. Nagpuyo siya karon kauban sa iyang kapikas nga si  Melisa Morga ug aduna sila’y anak nga si Mark Baclay, kinsa maoy iyang inspirasyon sa iyang pag-take sa examination.

“The strong morale support of my parents, sister, my loving partner and friends motivated me to top the recently concluded Registered Electrical Engineers Licensure Examination administered by PRC last September 7 & 8 , 2013,” matud pa ni Baclay.  Ang tibuok CTU community nagsadya usab sa kalampusan ni Baclay, isip mao ray usa nga nilusot sa top ten nga gikan sa Visayas region.

“Ang CTU community is very proud of the accomplishment of our top notcher. This is not the first since we already produced many top notchers in our engineering department in the previous board examinations,” matud pa ni  Dr. Victor Villaganas, CTU vice president for academic affairs.

Si Villaganas midugang  nga  usa  sa  hinungdan sa kataas  sa  matang  sa unibersidad  kini  tungod  kay  pulos  usab  mga top notch  nga  mga  gradwado  sa  mga  ilado  kaayong  unibersidad  ang  ilang  mga  magtutudlo.

Matud  niya  nga  ang CTU maoy  nag-inusara  sa dyutay  ra kaayong  unibersidad  sa nasud  nga  nagbaton  og   ISO certified (ISO 9001:2008).

Si Charles Japeth Dichoso   sa  Sorsogon State College   maoy  nag-una  sa maong  examination   nga  may  91.40 rating, gisundan  ni Christian Calonzo of Bulacan State University   nga  may 91.30 sa ikaduhang  lugar.

Si Dennis Marigon   sa  Notre Dame sa Marbel University, 91.25 sa  ikatulong  lugar,  Richard Regidor   sa  University of Mindanao-Davao City may 89.80 sa ika-upat  nga  lugar,  ug Melvin Lacia sa Mindanao State University-Iligan Institute of Technology  nga  may 89.60   sa ika-limang  lugar.

      Ang  nagkompleto  sa  top ten   mao  sila  si Leo Barcenas Jr. sa University of the Philippines (UP)-Diliman (88.90), Anthony Crisostomo sa University of Santo Tomas (88.70), Mark Harry Reyes  sa Polytechnic University of the Philippines (88.40) ug Christian Moises Pahati sa Bulacan State University (88.30). (BANAT NEWS)