Construction worker giluba angol sa kaaway

CEBU, Philippines - Naangol ang usa ka construction worker human kini dunggaba sa usa ka   estambay   didto  sa Sitio Camarin, Barangay Vito, lungsod sa Minglanilla  niadtong Domingo  sa alas 8:30 sa gabii.

 Giila ang  biktima  nga  si Rene Prana,18, construction worker ug nagpuyo sa maong lugar.

Samtang ang suspek giila nga si Arnel Praba, minyo ug estambay  sa maong  lugar.

Nagkanayon ang  kapolisan nga samtang nagtan-aw og basketball ang biktima sa maong barangay, miduol ang suspek kaniya   ug kalit   nga   gidunggab  ang  iyang  buko-buko   nga walay  rason.

Dali kaayong  nakadagan  pahilayo  sa maong  lugar  ang  suspetsado  human  maigo  ang  biktima. Gidala dayon sa Minglanilla District Hospital ang biktima apan gibalhin kini sa Vicente Sotto Memorial Medical Center.

Matud pa sa inahan sa biktima,  nga  si Leonora Prana nga ang iyang anak ug ang suspek adunay kalagot sa   usa  ug  usa.  Mipasiugda dayon og hot pursuit operation ang kapolisan batok sa suspek.(WC) (BANAT NEWS)