Imbistigasyon sa kamatayon ni Tabanao ipadali

CEBU, Philippines - Ang  Cebu Citizens-Press Council (CCPC) mihangyo  sa kapolisan  sa  pagpadali  sa  imbistigasyon  sa  pagpusil  patay  ni  Jesus “Jessie” Tabanao sa miaging  Sabado.

Si Executive Director  Pachico A. Seares sa CCPC   naglaum  nga  ang maong  imbistigasyon  maoy  moila  kun  si  Tabano  gipatay  ba  gumikan  sa  iyang  trabaho.

Si Tabanao  maoy  information officer sa  Philippine Drug Enforcement Agency (PDEA),  anchorperson   usab  sa senemanang  programa  sa radyo  batok  drugas .

Gusto  ni  Seares  nga  mao  kini  angay  nga  i-establisar  sa  kapolisan  kun  unsay  hinungdan  nganong  gipatay  ang  biktima.

Midugang  si  Seares  nga  unsa  may  motibo, dili  angay  pasayloon  ang  kriminal.

Kini  usa ka kalapasan  sa kalinaw  sa komunidad,  kun  siya gipatay  gumikan sa iyang  gipanabi  sa radyo,  usa  kini  ka kalapasan  bahin  sa kagawasan  sa pagpamulong, sumala  ni  Seares.  (BANAT NEWS)