Mayor Rama mihalad og buwak sa Lawis Ledge
CEBU, Philippines - Pipila na ka semana ang milabay human nahitabo ang trahedya sa dagat nga mikalas sa gatosan ka mga kinabuhi samtang beinte nuwebe ang padayon pang gipangita, hinungdan nga si Mayor Michael Rama kauban ang iyang tulo ka konsehal mihalad og pag-ampo ug buwak sa mga nabiktima.
Matud ni Rama nga pinaagi niini ang mga kalag makasinati og kalinaw ug kahapsay bisan pa ang ubang lawas wa pa gihapon napalgan.
Ang mga konsehal nga sila Mary Ann de los Santos, Hans Abella, Dave Tumulak ug Philippine Coast Guard Station Commander Weniel Azcuna mitambong sa blessing nga gipahigayon ni Cebu Metropolitan Cathedral Rev. Fr. Wesley Noel kagahapon.
“Atong gibendisyunan ug naghalad kita’g pag-ampo nga maoy pinakanindot nga hupay ngadto sa pamilya ug biktima alang sa kapahulayan sa mga kalagâ€, matod ni Fr. Noel.
Sa pagbisita ni Rama ug mga konsehal sa Lawis ledge, ang Malayan divers ug Philippine Coast Guard kon PCG padayon gihapon ang pagbutang og Chemical dispersant.
“Gamay na lamang ang oil ug di na pud baho sama sa niaging mga adlaw ug gani kontrolado na ang tanan, everything is what we expectedâ€, matod ni Rama. (/EIM) (BANAT NEWS)
- Latest
