CEBU, Philippines - Gumikan kay nagkagrabeng problema sa baha, ang pangulo sa Project Reduced Danger Zone (REDZ) Joey Daluz planong modangop sa Department of Public Works and Highways (DPWH) didto sa kaulohan aron mangayo’g bahin sa P78 bilyones nga calamity fund nga gikatakdang ipang apod-apod sa tanang kalungsoran lukop nasod.
Matud ni Daluz nga kinahanglan nila ang tabang sa national government aron masulbad ang problema sa baha sa siyudad. Si Daluz plano usab nga makigpulong sa Water Management Task Force and Cebu City Rivers Management Council aron hisgutan ang problema sa baha ug illegal settlers sa mga suba didto sa Mahiga, Lahug, Guadalupe, Bulacao ug Kinalumsan.
Si Daluz nagkanayon nga kinahanglan nga makigkita siya sa grupo aron makamugna sila og usa ka polisiya ug adbokasiya.
Alang sa selebrasyon karong buwana isip “Rivers Monthâ€, molusad usab sila og website sa REDZ gawas sa information drive sa Public Information Office sa dakbayan sa Sugbo pinaagi sa paghatag og flyers ug mga leaflets aron makat-on ang katawhan sa kaseryoso sa problema sa pagbaha. (/EIM) (BANAT NEWS)