Mag-uuma gipusil angol sa mga silingan

CEBU, Philippines - Swerte nga naluwas ang usa ka mag-uuma  kinsa  gitabangan og pusil sa duha ka lalaki  apan  nakadagan  ug  misum-ok  sa  kamaisan ug nagpatuo nga patay na didto sa barangay Tubod, sa miaging  gabii.

Ang biktima mao si Danilo Alegria Fernandez, 33, usa ka mag-uuma   nga nagpuyo sa nahisgutang lugar.

Samtang ang duha ka mga suspek mao sila si Francisco Sinarillos, 53, minyo ug Harven Sinarillos, 20, ulitawo,  nga  pulos  silingan  sa biktima.

Si PO2 Arnold Frenal sa Sibonga Police  Station mibutyag  sa Banat News   nga  ang biktima naglakaw pauli sa ila  apan  sa  pag-abot  niini  sa  hilit nga lugar kalit  kining gibabagan sa duha ka suspek  dayon  gitabangan   og pusil.

Ang biktima bisan  nakaangkon og daghang samad pinusilan sa lawas  nakahigayon pa  og dagan  ug  misum-ok sa taliwa sa kamaisan  ug didto nagpatumba- tumba kini aron ingnon   nga patay na.

Ang duha ka suspek nga misuway og gukod sa biktima   kay  ilang tiwasan namalik  sa agi human nila makit-i nga nag buy-od na ang lawas sa biktima nga natusak -tusak sa bala ug nagtuo   sila nga patay na.

Paglakaw sa mga suspek   ang  mga  silingan  nga  nakadungog   sa  mga  buto-buto daling misum-ok  sa kamaisan  ug didto ilang gitabang ang biktima nga nag- buy-od apan naginhawa pa   busa  gihatud   dayon  nila  sa Vicente Sotto Memorial Medical Center (VSMMC).

Atol sa hot pursuit operation sa kapolisan nadakpan nila  si Francisco Senarillos .

Anaa  na  karon  sa prisohan  apan nagdumili kini pagtug-an sa mga polis bahin sa maong hitabo.

Ang laing suspek padayon pa usab nga gipangita samtang gihikay   na ang mga  kasong ipasaka batuk kanila. (/WC)   (BANAT NEWS)