Usa ka trak nga lusay gikan Masbate gisakmit

CEBU, Philippines - Gisikop sa mga sakop sa Provincial Anti-Illegal Fishing Task Force kon Bantay Dagat Sugbo ang usa ka 14-wheeler truck nga dunay kinse mil tonelada nga lusay “Brown Algae” niadtong Huwebes sa gabii sa Sabang, dakbayan sa Danao.

Ang Bantay Dagat Task force mipahigayon og checkpoint sa amihanang bahin sa Sugbo gumikan sa mga taho nga dunay mga toneladang lusay nga gituohang illegal nga gibiyahe gikan sa Masbate.  Matud ni kanhi navy captain ug pangulo sa Bantay Dagat Sugbu Romeo Tapayan nga ang lusay gamiton paghimo og fertilizers ug plastics.

Si Tapayan miingon nga gidili sa Provincial Fisheries and Aquatic Resources Ordinance sa Sugbo ang pagkuha og mga lusay.

Apan matud sa tag-iya nga si Marilla (unang pangan gipugngan gumikan sa hangyo niini) uban ang iyang ugangang si Alfonso Alvarez kagahapon sa pakig-atubang nila ni Tapayan nga duna sila’y permit to buy-and sell og brown algae sa Masbate.

“Naa daw sila’y permit, but what is the law in their land cannot supercede the law of the province,” matud ni Tapayan.

Gipasabot ni Tapayan sa mga sakop sa media nga ang lusay puloy-anan sa mga gagmay’ng isda hinungdan nga gibawal ang pag-harvest niini ubos sa balaod.(/EIM) (BANAT NEWS)

 

Show comments