CEBU, Philippines - Daghan pang mga aplikante ang nagpunsisok aron mosumiter sa application form sa pasulit sa Civil Service Commission aron makaapas sa deadline karong adlawa.
Sumala pa sa Chief Personnel Specialist sa Examination Division sa Regional Office 7 sa Civil Service nga si Dixie M. Gonzales dihang nahinabi sa Banat News nga 6,125 na ka mga aplikante ang natala sa ilang buhatan kagahapon sa buntag.
Dugang pa ni Gonzales nga nagpaabot pa sila nga madugangan pa kini kay sagad sa mga tawo adto na sa last day mosumiter sa ilahang aplikasyon.
“We are expecting more applicants†kay sagad sa mga aplikante unya na sa deadline mosumiter, trending towards deadline,†asoy pa ni Gonzales. Nagsugod ang pagdawat sa Civil Service Commission sa mga aplikasyon sa maong pasulit niadtong petsa 15 pa sa Abril ug matapos sa Agosto 30, 2013 ug ang pasulit pagahimuon sa Oktubre 13 tuig 2013.
Samtang nagpadayon sila og dawat sa mga aplikante nga mosumiter alang sa maong pasulit gibuksan sab nila ang usa ka Processing Center nga naa sa Robinsons sa Fuente Osmeña aron sayon na lang ang pagsumiter sa ilang mga porma.
“Ang uban dili kaari because of the distance, gahapon lang nagsugod, didto gani ko akong gilingkoran ngadto,†matud pa ni Gonzales.
Ang maong Processing Center mobukas sa alas 10:00 sa buntag hangtod sa alas 6:00 sa gabii aron sa pagpanawat sa mga aplikanti nga buot mokuha sa pasulit. (/EIM) (BANAT NEWS)