CCSC mopahigayon og marathon alang kang Jakosalem
CEBU, Philippines - Ang Cebu City Sports Commission motabang ni kanhi Konsehal Sylvan “Jack†Jakosalem pinaagi sa pagpahigayon og marathon nga pagatawgon og “Run for Jack.â€
Matud ni Konsehal Richard “Ritchie†Osmeña nga ang kita unya sa pagpahigayon nila og “Run for Jack†itugyan nila sa pamilya ni Jakosalem aron magamit kini og pamalit og mga tambal nga gikinahanglan sa kanhi konsehal.
Si Jakosalem gioperahan tungod sa pagtangtang sa “parasites†diha sa iyang utok mao nga taud-taud g’yud siya nga na-admit sa ospital ug hilabihan na kadaku sa gasto sa iyang pamilya.
Matud ni Osmeña nga angayan lang nga sila sa konseho isip mga kauban kaniadto ni Jakosalem, motabang aron maiban-ibanan ang problema sa salapi ni Jack.
Si Jakosalem naila nga “Jack d’Wack†sa iyang programa sa Y101 FM Station kaniadto sa wala pa siya mahimong konsehal. Malaumon si Osmeña nga daghan ang mosalmot sa “Run for Jack†agi og tabang kang Jakosalem kinsa nahimo usab nga tsirman sa CITOM kaniadto. (/BDB) (BANAT NEWS)
- Latest
