Greco Sanchez nasikop sa Nueva Ecija

CEBU, Philippines - Nasikop sa mga sakop sa San Jose City Police Station sa  lalawigan  sa  Nueva Ecija   ang  Sugbuanong  si Leodegreco “Greco” Sanchez  sa kasong  paghupot  sa gidiling  drugas.

Si  Sanchez  maoy  anak ni anhing vice governor Greg Sanchez Jr.ug igsoon ni third district board member Gigi Sanchez,

Matud pa ni Supt. Harry Dominggo ang deputy chief sa intelligence division sa Police Regional Office 7 nga ang pagkasikop kang Greco pinasikad usab sa usa ka bench warrant human siya giingong walay tunga-tunga sa iyang kaso sa ginadiling drugas ubos sa sala ni RTC Branch 8 Macaundas Hajirasul.

Giingong niadtong Domingo nasayran nga   didto sa maong lugar si Greco.

Gipadayag usab ni Dominggo nga gawas sa warrant giingong   may  order si Greco nga angayan siya  nga  ipasulod sa rehabilitation  center.

Hinungdan nga giingong wala gayud kini magpakita apan nasigpatan kini sa maong dapit hinungdan nga gisikop.

Apan sa nakuhang impormasyon sa kapolisan giingong  si Gigi  moduso  og mosyon sa korte aron dili na lang mapresentar  si Greco sa korte ug ihatud na lang kini sa rehabilitation center.

Ang hepe sa kapolisan sa Central Visayas  nga  si  Chief Supt. Danilo Constantino mipadayag nga ila pang huwaton ang kinatibuk-ang report kalabot sa maong report. (BANAT NEWS)

Show comments